Yeh meri zindagi hai?

Meri zindagi mein main kahan hoon?

Itna sama chuki ho mere andar tum,
Ki ab mujhmein bhi sirf tum ho,
Khud mein hi dhoondhta hoon tumhe,
Phir bhi kahin na milti tum ho,

Baat karne ki koshish jab ki maine,
Tum mujhe mein hi chip gayi kahin,
Maine bahut pukaara lekin,
Ek awaaz na suni tumne,

Aaj bhi dastak deta hoon main apne dil pe,
Is umeed mein ki shayad tum jawab dogi,
Kae saal beet gaye, yeh aadat gayi nahin ab tak,
Jawab toh nahin aaya magar, iss aadat ne ek nishaan chod diya dil par,

Ab main bhool chuka hoon tumhe lekin,
Dil pe reh gaya jo nishaan uska kya karun,
Jab jaana hi tha tumhe zindagi se meri,
Toh kambakht dil ko bhi saath le jaati,

Na nishaan ki takleef hoti, na jeene ki...